አደይ አደይ አደራ
አደይ አበባው
አደይ አበባ የመስኩ
አደይ የጋራው
ሰላም ይብቀል ከጝንህ
ፍቅርን አዳብለው

የአዲስ አመት ፀሀይ
ያዲሱ ዘመን ፋና
የኛ ወግ የኛ ባህል
ሰላም ፍቅር ወልደህና
ለእንቁጣጣሽ ለመስቀል
ችቦው ሲቀጣጠል
በደመራው እሳት
ጥላቻ ይክሰም ይቃጠል

እንደ ጨው ዘር በትኖ
የነጣጠለን መአት
እድሜው ይጠር ይታጠፍ
ቶሎ ይድረስ ያ ሰአት
የኔ አሻራ የኔ ወዝ
የተቀዳ ካንድ ወንዝ
ጣፋጭ ወጉ ይሰማ
ፍቅሩን ይግለፅ በዜማ


ሽመል ሸልመን ይዘን አበባ
እዮሀ እንበል መስከረም ጠባ
እንደ ኖህ እርግብ እርጥብ ይዘን
ደስታን እናብስር ለእናታችን

ወፍ አለምድ ወፍ አረባ
ከናት ካባቴ አውድማ
ወፍ አለምድ እርግብ አረባ
ከናት ካባቴ አውድማ
የታጨደው ሲገባ
ወይፈን በሬው ሲሰባ
ጥገት ላም ስታጠባ

የጞመን ምንቸት ግባ የገንፎ ምንቸት ውጣ
የጨቀየው ይታጠብ ይፍካ ካመዳይ ይንጣ
ያለፉትን ነብስ ይማር ላሉት እድሜ ይስጥልኝ
ባጠፋን ይቅር ይበል ምረቱን ያውርድልን

ወፍ አለምድ ወፍ አረባ
ከናት ካባቴ አውድማ
ወፍ አለምድ እርግብ አረባ
ከናት ካባቴ አውድማ
የታጨደው ሲገባ
ወይፈን በሬው ሲሰባ
ጥገት ላም ስታጠባ